Ang Pag-aayos Ng Sarili

Mag-ayos ng buhok

Yan ang payo ni suklay

Sa magulong buhok

Huwag daw masanay

Hirit naman ni sapatos

Lagi mo akong linisin

Isauli sa lagayan

Pagkatapos gamitin

Uniporme mong gusot

Iyo munang ayusin

Para kapag nakita ka ni plantsa

Hindi ka nya habulan

Mga paalala nila'y 

Palaging isabuhay

Para pag-uwi sa bahay

Hindi ka pagalitan ni nanay

                               

Ang Pagpila Sa Kantina

Kahit ako ay nasa dulo

Natatakam na ako sa puto

Sa mahabang pila na ito

Parang gusto ko ng menudo

Mainit ang panahon 

Na parang bagong lutong sotanghon

Lahat na kami ay nagugutom

Sa mahabang pila na tila footlong

Nakakainis ang paghintay

Kailangan ko ng matamis 

Pampawala ng umay

Pero lahat ng ito'y titiisin

Para sa masustansyang ginisang gulay

Ngayon kaharap ko na si Aling Rhea

Makakatikim na ako ng aking meryenda

Tama nga ang sabi mamatatanda, 

Kapag may tiyaga,  may nilaga.